ladyzazarus

Emr bîyo hîris û yew. Hînî keye de yew huzir çin o. Vanê serrêke ra pey dadî û kênayî yew keye de nêbenê, rojan ra rojêke qetî kewenê pê. Dadîya mi zî her roje sereyê mi bi qala zewajî, embazanê min ê zewijnayeyan û mêrdeyanê şarî dejnena.  Xora dadîya mi ya ke mîyanê keyeyê xo û keyeyê babîyê min ê upper-feodalî de rojêke zî destek nêdîyo, na mesele de meşaleh yew fekî ra  her kes sey aye vano: ''Xwi r' bizewij'.'' Apo ke her roje persa cinîyan keno, xala ke mêrdeyê xo ra rojêke zî xeyr nêdîyo, pîrika (rehmetîye) ke fek û pirnikanê pîrikê min ê şefqîyî ra ardo, xalo ke seba ke reelsanê facebookî ra sereyê xo berz nêkeno rîyê cinîya xo vîr a kerdo, babîyo ke qetî kerdenê cinîya xo nêwesifnayê, amika ke ci rê tutî nêbîyê, naja ke semedê solê nanî zî paskilî werdê, dezayo ke bi zorê dadî û babîyî zewijîyayo, xalzayo ke her roje lomeyê zewajî keno ûsn. Mi zî yewver nînan rê pers kerd ke gelo ê zewijîyayê se bîyo. Nînan (amika mi ra ber) zî yewver mi rê heman cewab ...

fertarî ez vîrê xo, xo rê kena zindanî. fertarî êyê verênî kewenê mi vîrî. fertarî êyê nikayênî kewenê mi vîrî. fertarî ez poşman bîya. fertarî ez lete-lete bîya. fertarî mi xo ra nêdîya. fertarî mi awa zelale herimnaye. fertarî mi zor da ke awa herimnaye zelale bikera. fertarî mi tena waşt ke bilîya xo biba. fertarî mi kerd ke heqê ci ra bêra. fertarî mi kerd ke tena binî ra vejîya. fertarî mi xo xapîna. fertarî mi ê bînî xapînayî. fertarî ez xapîyaya. fertarî mi cixareyê xo nêmcet verda. fertarî mi hîsê xo nêmcet verda. fertarî ez tersaya. fertarî ez qerqilîyaya. fertarî ez xo ra aciz bîya. fertarî ez her kesî ra aciz bîya. fertarî mi tena waşt ke teyna biba. fertarî mi derd kerd ke çira ez hende teyna ya. fertarî mi serûbin kerd. fertarî mi raşt kerd. fertarî mi pêser kerd. fertarî mi cîya kerd. çunke zaraja mi kişîyaya, kewta zereyê ê bîrî.