Ez, Orhan Pamuk, Bextewerîye

Romanê Orhan Pamukî yo namdar ''Masumiyet Müzesi'' bi na cumleya namdare dest pêkeno: '' Mi nêzanayêne ke a hele pêroyê cuya mi de hela tewr bextewere bîya.''

Ez zaf reyî bextewer bîya. Xora nameyê mi yeno manaya cinîya bextewere. La ez çendek fikirîyaya zî nêeşkaya ''a hela tewr bextewere'' (The Moment) bivîna. 

Vanê ke bextewerîye çîyo winayên o ke a hele ney barcî merdim bi aye hesîyeno coka qîmetê ci zî pey ra zanîyeno. Tecrubeyê min ê bextewerîye zî se ra se wina yê. 

Ez bineyna fikirîyaya û ca de ''hela tewr xirabe'' ameya vîrê mi. La hema zî ''hela tewr bextewere'' ra xeberêke çin a. 

Orhan Pamuk hema hema pêroyê kitabanê xo de qalê bextewerîye keno, bi rayîrê karakteranê xo gêreno bextewerîya raştikêne.

Ez bi xo sey Orhan Pamukî bi na mesele zaf sereyê xo nêdejnena. Goreyê mi bextewerîye ney la ''pêqayîlbîyayîş'' oyo girîng o. 

Roman de karaktero esas Kemal gêreno a hele û wina emrê xo qedîneno. 

Seba ke ''a hela tewr bextewere'' ancî tehm bikero merdim ganî emrê xo zayî nêkero. 

Herinda ney de ganî ma bi çita qayîl bibê ey bikerê. Çunke a hela tewr xirabe bi poşmanîye neqişîyena û sey kardîya tûje ginena zerrîya merdimî ro. O çax a hela tewr bextewere  do xo bida vîrakerdene. 

Nazan Öncela ke sey mi heyrana kitabanê Orhan Pamukî ya, dima ke Masumiyet Müzesi wendo binê tesîrê kitabî de menda. Aye  qewimîyayîşanê romanî ser o na deyîra ''Canım Benim Nasılsın'' nuşta û vata. Peynîya deyîre de nê di cumleyê est ê ke zereyê romanî ra yê û wina vanê:

''Eşq amebi heta verê destanê mi

La mi bi xo ey ra fek vera da.''