Keynaya min a rinde û serxweşe rê mektube

Ti ewro bîya 18 serrî. Babîyê to yê reqawerî reya verêne ti berd meyxane. La meraq meke ma hêverî keye de pastaya to werda. Rîyê to şîyo rîyê mi. La qama to şîya yê babîyê to. 

Ti bi lezî hêrs nêbena la çi wext hêrs biba qîrayîşan ra dima bêvengîyêke kewena zerrîya to. (Sey mi.) Ti ke zerrîzîz bena bi lezî yarîyan kena ke hesirê to eşkera nêbê. (Sey babîyê to.) Ti ca de lajan ra bawer nêkena. (Sey mi.) Ti ke nêwaza bi dergî mi goşdarî bikera ca de vana: ''Ez to ra zaf hes kena.'' (Sey babîyê xo.) Û to hendê lez teklîfê meyxaneyî rê vat 'heya' ke mi fam kerd ti 'hîna zaf' şîya kamî.

Ti sey ma mîyanê şer û çekan de nêbîya pîl coka goş nêna deyîranê ma ser. Eyneyo ke ti her serê sibayî ewnîyena tira to rind mojnena. Awa ke ti şimena sey awa ma lêl ney zelal û pak a. Tîja ke bedenê ma vêşnayêne ê to kena germin. Kitabanê ke bawerîya ma herimnayê to rê kêf û şayî ardê. 

Ti (û babîyê xo) do nêmşewe bêra keyeyê ma. Ti do serxweş biba. Zerrîya to qelibîyena. Viritiş. Xeberdayîş, ez. Şermkerdiş, ti. Huyayîş, babîyê to. La ez do ancî to ra zaf hes bikera. Rojbîyayîşê to fîraz bo. 



Yorumlar

Yorum Gönder

Bu blogdaki popüler yayınlar

Îrlandayij

Resim
Nuştox Albert Camusî reyêke vato; ''Nuştoxî seba ke bêrê wendene nusenê. Ê nuştoxê ke eksê ney îdîa kenê nînan rê hurmet bikerê la bawer mekerê.'' Ez zî her roje ewnîyena îstatîstîkanê blogê xo ra. Hela ewro hetê kamî ra, kamca ra, çendê reyî, nuşteyê blogê mi ameyê wendene. Şarê ma yo belengaz teda û zorbazîye ra vilayê her hetê dinya bîyo. Coka Amerîka ra bigêre heta Asyaya Mîyanêne zafê welatan ra ''wendox''ê mi est ê.  La mîyanê îstatîstîkanê welatan de tim welatêkî bala mi anceno; Îrlanda. Îrlanda ra hema hema her roje çim erzîyeno blogê mi.  Îrlanda. Seke ez zanena Îrlanda de dost, embaz, nas û merdimê ma çin ê.  Meraq mi weno. Gelo nê (yan zî na yan zî no) kam ê ke tim blogê mi teqîb kenê?  Eke merdim eciz bibo eşkeno her çî bikero. Ez zî wina meraqê xo ra eciz bîya. Coka mi xo bi xo profîlêk aferna. Hinî goreyê mi no yew camêrdo 65-70 serrî yo. Camêrdo îrlandayij serranê 80an de sebebanê sîyasîyan ra neçare mendo ke welatê ma yê bimbarekî biterik...
Devamı

Ez, Orhan Pamuk, Bextewerîye

Resim
Romanê Orhan Pamukî yo namdar ''Masumiyet Müzesi'' bi na cumleya namdare dest pêkeno: '' Mi nêzanayêne ke a hele pêroyê cuya mi de hela tewr bextewere bîya.'' Ez zaf reyî bextewer bîya. Xora nameyê mi yeno manaya cinîya bextewere. La ez çendek fikirîyaya zî nêeşkaya ''a hela tewr bextewere'' (The Moment) bivîna.  Vanê ke bextewerîye çîyo winayên o ke a hele ney barcî merdim bi aye hesîyeno coka qîmetê ci zî pey ra zanîyeno. Tecrubeyê min ê bextewerîye zî se ra se wina yê.  Ez bineyna fikirîyaya û ca de ''hela tewr xirabe'' ameya vîrê mi. La hema zî ''hela tewr bextewere'' ra xeberêke çin a.  Orhan Pamuk hema hema pêroyê kitabanê xo de qalê bextewerîye keno, bi rayîrê karakteranê xo gêreno bextewerîya raştikêne. Ez bi xo sey Orhan Pamukî bi na mesele zaf sereyê xo nêdejnena. Goreyê mi bextewerîye ney la ''pêqayîlbîyayîş'' oyo girîng o.  Roman de karaktero esas Kemal gêreno a hele û wina emrê...
Devamı

Fetretê min û ê pêxamberî

Resim
Vanê ke pêxamberî rê hîrê serran wahîy nêno, mîyanê nê serran de cinîya ey û apê ey mirenê û muşrîkî bi ey yarî kenê coka pêxamber dekeweno depresyonî. Şar vano ke Homayê ey Mihemedî rê hêrs bîyo û o war verdayo. Pêxamber hinî bi xo û bi pêxamberîya xo şik keno û vano: ''Beno ke seke şar vano ez gêj a.'' Nê dejî, krîzê anksîyete û overthinkî mudetêk wina dewam kenê. Rojêke wexto ke pêxamber wazeno kendalêkî ra xo bierzo war, ey rê wahîy yeno. Nê hîrê serranê bêwahîyan rê vanê fetretû'l wahîy. Ney ra pey Homa 23 serran ey de qisey keno, ayetanê xo bi melekê xo resneno pêxamberî. Fetretê mi serrêke û di aşman ra dima 3yê êlule de, wextê îşraqî de nişka ra qedîya. Mi hakê xaşênîyayî nayî masa ser, ez ronişta û mi şuşeyê çayî girewtî destê xo. O çax nişka ra fekê mi ra ney la bedenê mi ra vengêkî vat: ''Ez est a, ha ciwîyena.'' Rengê çayî nişka ra hîna sûr bi, darê ke pancera ra aseyêne nişka ra hîna kesk bîyî. Bedenê mi sey ê pêxamberî lerzîyayêne. Se b...
Devamı