Fetretê min û ê pêxamberî

Vanê ke pêxamberî rê hîrê serran wahîy nêno, mîyanê nê serran de cinîya ey û apê ey mirenê û muşrîkî bi ey yarî kenê coka pêxamber dekeweno depresyonî. Şar vano ke Homayê ey Mihemedî rê hêrs bîyo û o war verdayo. Pêxamber hinî bi xo û bi pêxamberîya xo şik keno û vano: ''Beno ke seke şar vano ez gêj a.'' Nê dejî, krîzê anksîyete û overthinkî mudetêk wina dewam kenê. Rojêke wexto ke pêxamber wazeno kendalêkî ra xo bierzo war, ey rê wahîy yeno. Nê hîrê serranê bêwahîyan rê vanê fetretû'l wahîy. Ney ra pey Homa 23 serran ey de qisey keno, ayetanê xo bi melekê xo resneno pêxamberî.

Fetretê mi serrêke û di aşman ra dima 3yê êlule de, wextê îşraqî de nişka ra qedîya. Mi hakê xaşênîyayî nayî masa ser, ez ronişta û mi şuşeyê çayî girewtî destê xo. O çax nişka ra fekê mi ra ney la bedenê mi ra vengêkî vat: ''Ez est a, ha ciwîyena.'' Rengê çayî nişka ra hîna sûr bi, darê ke pancera ra aseyêne nişka ra hîna kesk bîyî. Bedenê mi sey ê pêxamberî lerzîyayêne. Se bîyo senî bîyo hinî eynî mi de nêbi. Kamî se kerdo, mi efû kerd. Mi se kerdo, xo efû kerd û xo rê rehme kerde. Xora ne mi rê wahîy yeno ne zî -heyf ke- ez pêxamber a. Her çiqas mi çirey nêwaşt xo bikişa zî mezgê mi kendalî ser ra anêgêrayêne. Overthink ha overthink!

Sureyê Dûha qalê fetretû'l wahîyî keno û wina vano:

''Wextê îşraqî rê sond bo ke

Wextê tarîya şewe rê sond bo ke

Homayê to, ti war nêverdayo, to rê hêrs zî nêbîyo!

...

Bêguman, Homa do bido to û ti do pê qayîl bibe!

Ti ke sêwir bîya, ey ti weye nêkerdo?

Ti ke rayîrê şaşî ser o bîya, ey rayîro raşt nêmojnayo to?

O çax qalê nîmetanê Homayê xo bike!''










Yorumlar

  1. Cinorek18 Eylül 2025 23:09

    şiklê nuştişê şima zaf weş e. ez şa şopandin/follow a postanê şima kerdene. ma pêro dem yê fetret estê. omid kena ke ma ena demande dest ra nêdeya.

    YanıtlaSil
    Yanıtlar
    1. Şadê Agon20 Eylül 2025 06:49

      Zaf sipas kena. Ez zî wina bawer kena ke peynîya her xirabîye de yew rindîye seba ma est a. Weş û war be.

      Sil

Yorum Gönder

Bu blogdaki popüler yayınlar

Etîmolojîyê Çîzo-Vîzoyî

Resim
 Unîversîte de dersa ke mi tewr zaf tira hes kerdêne dersa etîmolojîyî bîye. Mamostayê ma wexto ke dest bi qalê kokanê çekuyan kerdêne mi bi dîqat û meraqî o goşdarî kerdêne. Mi etîmolojîyê çekuyanê ziwanê mi zî meraq kerdêne. La heyf ke na babete de çimeyî zaf tay ê.  Xora mamostayê min ê etîmolojîyî vatêne ke etîmolojî mîyanê pêro beşanê ziwannasîye de beşêko tewr zehmet o. Ey vatêne ke etîmologî ganî tewr tay panc-şeş ziwanan bizanê, ziwanan reyde îlmanê tarîx, cografya ûsn. de wayîrê zanayîşan bibê. Mamostayê mi Unîversîteya Hacettepe de fîlolojî wendbî û Unîversîteya Cambridge de master û doktora kerdbî. Coka mi nê qiseyê ey sey ayetanê Homayî qebul kerdî û mi vat ke ez xo parçe-parçe bikera zî do nêeşka biba etîmologe.  Dima mi dî ke çekuyê ma teyna mi rê ney zafê kesan rê meraq bîyê û mamostayê mi zûrkerêk o. Embazênê şima rê mujde; etîmolojî zaf asan o! Mîsal mi bi goşanê xo fekê ê ziwannasê çewlîgijî yê hardcore-zazayî ra eşnawit ke çekuya ''kanepe'' zazakî ya ...
Devamı

Îrlandayij

Resim
Nuştox Albert Camusî reyêke vato; ''Nuştoxî seba ke bêrê wendene nusenê. Ê nuştoxê ke eksê ney îdîa kenê nînan rê hurmet bikerê la bawer mekerê.'' Ez zî her roje ewnîyena îstatîstîkanê blogê xo ra. Hela ewro hetê kamî ra, kamca ra, çendê reyî, nuşteyê blogê mi ameyê wendene. Şarê ma yo belengaz teda û zorbazîye ra vilayê her hetê dinya bîyo. Coka Amerîka ra bigêre heta Asyaya Mîyanêne zafê welatan ra ''wendox''ê mi est ê.  La mîyanê îstatîstîkanê welatan de tim welatêkî bala mi anceno; Îrlanda. Îrlanda ra hema hema her roje çim erzîyeno blogê mi.  Îrlanda. Seke ez zanena Îrlanda de dost, embaz, nas û merdimê ma çin ê.  Meraq mi weno. Gelo nê (yan zî na yan zî no) kam ê ke tim blogê mi teqîb kenê?  Eke merdim eciz bibo eşkeno her çî bikero. Ez zî wina meraqê xo ra eciz bîya. Coka mi xo bi xo profîlêk aferna. Hinî goreyê mi no yew camêrdo 65-70 serrî yo. Camêrdo îrlandayij serranê 80an de sebebanê sîyasîyan ra neçare mendo ke welatê ma yê bimbarekî biterik...
Devamı

Hewnê Mîyanê Hewnî

Resim
  Hewnê serranê vîstan nênê vîrê mi. O çax zî nêameyêne vîrê mi. Serranê hîrisan de bi ardimê lustralî hem hewnî zêdîyayî hem zî vîrî ra nêşîyî. Ez kerametê hewnanê xo û hewnanê embazê xo Ş.yî meraq kena. La ne ez Hz. Yusuf a, ne zî xelaskerêkê mi est o ke zereyê bîrê zereyê mi ra mi bixelisno. Mi hewnanê embazê xo Ş.yî de zaf kerametî dîyî. La ey zî goş nêda qiseyanê mi, vat ke o şikîyayo. Wa bişikîyo. Seba ke merdim weş bibo ganî hêverî birîndar bibo. Mi ey rê vat ke aya ke ez wazena tim bêra hewnê mi qetî nêna. Vat ke eke ez mewaza a do bêra. Ey zî ez şiknaya.  La mi a delalîya xo peynî de hewnê xo dîye. Ez bermaya, aye rê hêrs bîya ke çira qetî nêna hewnê mi. Serê erdê salone de dergkerde bîye. Rîyê aye de huyayîşêk, çimê ci akerde yê. La a qisey nêkena, cewab nêdana mi. Mi bi pêro hêzê xo xîret kerd ke ez erdî ra aye wedara û rind verarê xo bikera. Ez kewta binê çenganê ci. La bedenê aye giran bîyo, ez bi sereyê xo nêeşkaye. Wird delalê delalîya mi kişta ma ra şîyêne û am...
Devamı